Չնայած որ Linux-ի ծննդյան ճշգրիտ օրը նշելը քիչ հնարավոր է, հենց 20 տարի առաջ` 1991 թ. օգոստոսի 25-ին աշխարհն իմացավ Լինուս Տորվալդսի ստեղծագործության մասին: Իր անոնսում Լինուսը գրել էր հետևյալը. «Բարև բոլորին, ովքեր օգտագործում են minix (այն ՕՀ-ը, որի հիման վրա էլ ստեղծվել է Linux-ը): Ես մշակում եմ անվճար օպերացիոն համակարգ 386 (486) ընտանիքի պրոցեսորների համար: Սա ուղղակի հոբբի է, այն չի լինի այնքան մեծ և մասնագիտական, ինչպես GNU-ն: Մշակումը սկսվել է ապրիլից և շուտով կավարտվի»:
Այն ժամանակ Linux-ը կրում էր Freax անվանումը, իր ժամանակակից անունի համար ՕՀ-ըն պարտական է Տորվալդսի գործընկերներից մեկին, որին բոլորովին դուր չեկավ Freax անունը: Ներկա պահին Linux-ը դարձել է համընդհանուր անուն, մինչդեռ այն ընդամենը միջուկի անվանումն է: Օպերացիոն համակարգը հիմնվում է GNU նախագծի կողմից ստեղծված հավելվածների կազմի վրա, այնպես որ ավելի տեղին կլիներ անվանել համակարգը GNU/Linux.
Չնայած առաջին քայլերը շուկայում մեծ մասսայականություն չէին խոստանում, Linux-ը ժամանակի հետ բավականին բազմակողմանի ՕՀ դարձավ, որն այսօր կիրառվում է ռոբոտներում, բջջային հեռախոսներում, սուպեր-համակարգիչներում և մի շարք այլ, ամենատարբեր տիպի սարքերում:
|
