Google+ սոցցանցում ավելացվել է որոնման ֆունկցիան, ինչպես նաև մշակողներին հնարավորություն է տրվել խմբային տեսազանգերը «տեղադրել» այլ հավելվածների մեջ: Հաղորդում է ընկերության պաշտոնական բլոգը:
Որոնումը թույլ կտա օգտագործողներին փնտրել սոցցանցում մարդկանց, ինչպես նաև նամակներ ու տարբեր թեմաներ:
Այժմ սոցցանցում կա նաև տեսազանգերն օնլայն հեռարձակելու հնարավորություն: Օգտագործողները կկարողանան դրանց ընթացքում ցուցադրել նկարներ, նկարել հատուկ «պատի» վրա և միասին աշխատել փաստաթղթերի վրա:
Google+-ը գործարկվել է ս.թ. հունիսի վերջին, և մեկ ամսվա ընթացքում հասցրել է գրանցել 25 մլն օգտագործող:
